Gözlərinizdəki bu problem ağlınızı itirdiyinizin göstəricisi ola bilər

Göz sağlamlığındakı bəzi problemlər qocalığın göstəricisi ola bilər.

Ölkə.Az "Daily mail"ə istinadla xəbər verir ki, bu barədə Yeni Zelandiyanın Otaqo Universiteti ortalama yaşı 45 olan 900 nəfər üzərində 45 illik araşdırma aparıb.

Tədqiqat bulanıq görmə və görmə ləkələri kimi simptomların demensiyanın erkən başlanğıc riskini göstərdiyini üzə çıxarıb.

Mütəxəssislər müəyyən ediblər ki, gözün arxasındakı işığa həssas toxuma (torlu qişa) normaldan daha incədirsə, 60, 50 və hətta 40 yaşlarında demensiya diaqnozu qoyulma ehtimalı əhəmiyyətli dərəcədə artır.

Bu vəziyyət tibbi ədəbiyyatda "torlu qişanın incəlməsi" kimi tanınır; Görmə qabiliyyətinin pisləşməsi, rəng qavrayışının dəyişməsi, ləkələr və işığın yanıb-sönməsi kimi əlamətlərlə özünü göstərir.

Tədqiqat, damarların daralması və gözdəki damarların genişlənməsi əlamətləri olan şəxslərdə bu vəziyyətin bir gözdə ağrı, təzyiq və görmə itkisinə səbəb olduğunu və demensiya riskini artıra biləcəyini aşkar edib.

Mütəxəssislər deyir ki, həm torlu qişanın incəlməsi, həm də göz damarlarındakı dəyişikliklər beyinə və gözlərə kifayət qədər qan axınının təmin edilməsinə mane olur. Bu da yaddaş itkisinə səbəb olan nevroloji prosesləri tətikləyə bilər.

Vurğulanıb ki, bu simptomlar bədəndə qan dövranının pisləşməsinin əlaməti ola bilər və infarkt, eləcə də insult riskini artıra bilər.

Qeyd edək ki, demensiya sözünün latıncadan tərcümədə mənası "ağılsızlıq" deməkdir. Demensiya beyinin yaddaş, düşünmə və gündəlik həyat fəaliyyətlərini idarə edən funksiyalarının tədricən pozulmasıdır. Sadə dillə desək, demensiya insanın əvvəlki kimi düşünə, yadda saxlaya və qərar verə bilməməsi deməkdir.

Telegramda izləyin