Dişləri yumamağın ürəyə nə aidiyyəti? - Həkimlər elə bir əlaqə tapdılar ki...

Ağız gigiyenasına riayət etməmək infarkt və atrial fibrilasiyanın inkişafı üçün katalizator ola bilər.

Sonxeber.az Publika.az-a istinadən xəbər verir ki, bununla bağlı tibbi araşdırma aparılıb.

Məlum olub ki, ağız boşluğundan olan patogen mikroorqanizmlər qan dövranı sisteminə keçərək iltihablı reaksiyaların kaskadını işə sala bilir. Bu proseslər təhlükəli ürək patologiyalarının yaranması üçün zəmin yaradır.

Mütəxəssislər periodontit və ürək xəstəliklərinin riski arasında birbaşa əlaqə tapıblar. Məlumatların təhlili göstərib ki, diş əti iltihabı olan xəstələrdə insult, ürək çatışmazlığı və digər kritik vəziyyətlərə səbəb ola biləcək aritmiya inkişaf riski 30% artır.

Qeyd olunur ki, ürək üçün təhlükə yalnız iltihabla məhdudlaşmır. Tədqiqatlar zamanı ürək əzələsinin toxumalarında, qapaq aparatında və aterosklerotik lövhələrdə ağız bakteriyalarının DNT-si aşkar edilib.

Alimlər diş ətindən bakteriyaların sol atriuma miqrasiyasına dair təkzibedilməz sübutlar əldə ediblər ki, bu da periodontit və aritmiya arasında əlaqəni izah edir. Riskləri minimuma endirmək üçün mütəxəssislər təkcə sistematik diş baxımını deyil, həm də kariyes, gingivit və digər diş patologiyalarının cərrahi müalicəsini tövsiyə edirlər.

Telegramda izləyin