Yaşı 50-ni keçən qadınlar bu yay meyvəsini hər gün yeməlidir - SƏBƏB

Menopauza dövründə çiyələyin qadınlar üçün faydaları. Çiyələk menopauza dövründə qadınların təbii müttəfiqinə çevrilə bilər.

Lent.az-ın xarici mediaya istinadla xəbərinə görə, bu giləmeyvə təkcə ürək-damar xəstəlikləri riskini azaltmır, həm də hormonal dəyişikliklərə bağlı tipik simptomları yüngülləşdirir.

Menopauza zamanı nələr baş verir?

Menopauza adətən 50 yaş ətrafında baş verir, lakin daha erkən də başlaya bilər. İsti basmaları və gecə tərləmələri – menopauza dövründə bir çox qadının üzləşdiyi yayğın simptomlardır.

Yay aylarında bu əlamətlər daha da güclənə bilər. Diyetoloq Emma Dərbişirin sözlərinə görə, çiyələk menopauza dövründə qadınlar üçün əsas qidalar arasında hesab olunur. O, ümumi sağlamlıq və rifah üçün vacib olan əsas qida maddələri ilə təmin edir. İsti basmaları zamanı başgicəllənmə və ürəkdöyünməsi müşahidə oluna bilər.

Bu əlamətlər çox zaman estrogen səviyyəsindəki dəyişikliklərdən qaynaqlanır. Bu da beyində temperaturu tənzimləyən hissə olan hipotalamusun fəaliyyətinə təsir edir.

Çiyələk menopauza zamanı necə kömək edir?

Çiyələk flavonoidlər və polifenollar kimi antioksidantlarla zəngindir. Onlar oksidativ stress və iltihab əleyhinə təsir göstərərək isti basmaları, gecə tərləməsi, oynaq ağrıları və "beyin dumanı" kimi simptomların azaldılmasına kömək edə bilər.

Yay meyvələri – məsələn, çiyələk, yaban mersini və moruq – güclü birləşmələrə malikdir və hormonal balansı dəstəkləməyə, iltihabla mübarizə aparmağa yardım edir. Bu giləmeyvələr aşağı şəkər tərkibli olduqları və əla lif mənbəyi sayıldıqları üçün xüsusilə faydalıdır. Lif qan şəkərini sabit saxlamağa və menopauza dövründə sağlam çəkiyə nəzarət etməyə kömək edir.

Menopauza zamanı daha çox lif qəbul etmək toxluq hissini artırmağa kömək edə bilər. Həmçinin, bu dövrdə yavaşlayan həzmi dəstəkləməyə də faydalıdır.

Giləmeyvə istifadəsi həm də dəri və oynaq sağlamlığı üçün xeyirlidir. Onlar kolagen və elastin istehsalını stimullaşdıran C vitamini ilə zəngindir. Bu maddələr yaşlandıqca orqanizmdə daha az istehsal olunur, lakin dəri və oynaq sağlamlığını qorumaqda mühüm rol oynayır.

Telegramda izləyin