65 yaşlı direktora "stop" qoyuldu - Sığorta pullarını ödəməyib...
Sabunçu rayonunda yerləşən 11 nömrəli xüsusi internat məktəbinin direktoru Gülnarə Abdullayevanın ölkədən çıxışına məhdudiyyət qoyulub.
Qaynarinfo-nun məlumatına görə, buna səbəb Gülnarə Abdullayevanın rəhbəri olduğu məktəbin ümumilikdə dövlətə 36158,19 manat borcunun yaranması olub.
1960-cı il təvəllüdlü Abdullayeva Gülnarə Heybət qızının direktoru olduğu 11 nömrəli xüsusi internat məktəbinin Dövlət Sosial Müdafiə Fonduna 17477,31 manat, İşsizlikdən Sığorta Fonduna 2905,8 manat, İcbari Tibbi Sığorta Fonduna 15755,08 manat borcu var. İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi tərəfindən məhkəməyə müraciət edilib. Məhkəmənin qərarı ilə Gülnarə Abdullayeva ölkədən getmək hüququ müvəqqəti məhdudlaşdırılıb.
Xatıradaq ki, Gülnarə Abdullayeva barəsində 2021-ci ildə Cinayət Məcəlləsinin 179.3.2 (mənimsəmə, külli miqdarda törədildikdə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi açılmışdı. Aparılmış istintaq-əməliyyat tədbirləri ilə müəyyən edilib ki, Gülnarə Abdullayeva 2020-ci ilin yanvar ayından 2021-ci ilin avqust ayınadək olan müddətdə rəsmi sənədlərə bilə-bilə yalan məlumatlar daxil etməklə faktiki olaraq işə gəlməyən müəllimlərin guya işə gəlməklə tədris həyata keçirməsi, müəllim və tərbiyəçilərin dərs saatlarının artıq göstərilməsi, gündəlik məktəbə gələn uşaqların sayının artıq göstərilməsi ilə onların qidalanması üçün tələb olunan qida məhsulları və içməli suyun artıq rəsmiləşdirilməsinə nail olmaqla 88 min 622 manat pul vəsaitini nağdlaşdıraraq mənimsəyib, vəzifə saxtakarlığına yol verərək səlahiyyətlərindən sui-istifadə edib.
Cinayət prosessual qanunvericiliyin tələblərinə uyğun olaraq, Gülnarə Abdullayevanın otağına keçirilmiş baxış zamanı ayrı-ayrı şəxslərin adına olan dörd ədəd plastik kart, işçilərə pul vəsaiti verməsi ilə bağlı qeydlərin aparıldığı dəftərçəsi aşkar olunaraq götürülüb.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Uşaqların xoşladığı bu qida ürəyin bir nömrəli dərmanı imiş
Bakı metrosunda yeni QADAĞA
Azərbaycanda pensiya yaşı dəyişir? - Belə ola bilər…
Azərbaycanda əhali sürətlə qocalacaq - Ekspertdən HƏYƏCAN TƏBİLİ
Qış geri QAYIDIR: Dolu düşəcək, qar yağacaq
Kamran Əliyevə ağır itki
Valideynlərindən gizli sürdükləri maşında ölən yeniyetmə qardaşların - Fotoları
KİV: Üç İngiltərə klubu "Qalatasaray"ın qapıçısını almaq istəyir
Qocalığın başladığı yaş açıqlanıb
Sumqayıtda bayram tonqalında baş vermiş partlayışda xəsarət alanların kimliyi məlum oldu - YENİLƏNİB+VİDEO
Suraxanıda 36 yaşlı Pərvanənin qətlə yetirilməsinin TƏFƏRRÜATI - VİDEO
Elxan Şirinovun fərqli qidalanma sirri - "1 aya əzbərlədim"
Üç övladı olan valideynləri SEVİNDİRƏCƏK XƏBƏR
Oğlu və nəvəsi məzarı başında... - Foto
Sumqayıtda tonqal belə partladı - ANBAAN GÖRÜNTÜLƏR