Tələbə qızın yataqxana mənzərəsi sosial mediada gündəm oldu

Türkiyənin Mersin vilayətinin Silifke rayonunun Taşucu qəsəbəsində universitetə qəbul olan bir gənc qızın paylaşımı sosial mediada böyük marağa səbəb olub.

Sonxeber.az türk mediasına istinadən xəbər verir ki, tələbə, qaldığı yataqxananın dəniz kənarında, palmalarla əhatələnmiş mənzərəsini paylaşdıqdan sonra görüntü qısa zamanda minlərlə bəyəni və şərh toplayıb.

İzləyicilər görüntülərə heyran qalıb və sosial mediada belə şərhlər yazıblar:

"Yataqxana yoxsa Maldiv?", "Bu necə mənzərədir, tələbə həyatı yoxsa istirahət mərkəzi?", "Belə bir yurdda qalmaq motivasiyanı qat-qat artırar".

Qısa videonun sürətlə yayılması ilə birlikdə, bir çox istifadəçi Mersindəki bu yataqxananın "Türkiyənin ən gözəl mənzərəli tələbə yurdu" ola biləcəyini qeyd edib.

Telegramda izləyin