Turistin kumpirə ödədiyi pula etirazı viral oldu - VİDEO

İstanbulda gəzən bir ingilis turistin, yemək köşkündə satılan kumpir üçün ödədiyi məbləğə göstərdiyi reaksiya sosial mediada gündəm olub.

Sonxeber.az türk mediasına istinadən xəbər verir ki, turistin təəccübünü və qiymət fərqinə münasibətini əks etdirən anlar mobil telefon kamerası ilə qeydə alınıb.

Məlumata görə, turist sadə bir kumpir üçün 400 türk lirəsi ödəyib və bu vəziyyətə etirazını belə ifadə edib:

"İngiltərədə bir çox insan kartofun qiymətindən şikayətlənir. Mən indi İstanbul Boğazındayam. Bu kartof mənə 400 lirəyə başa gəldi. Sizcə, bu kartof 8.90 funt dəyərində ola bilərmi?"

Turistin bu sözləri və çəkdiyi video qısa zamanda sosial şəbəkələrdə geniş yayılıb. Paylaşım sosial media istifadəçiləri arasında həm qiymət artımı, həm də turistlər üçün tətbiq edilən yüksək qiymətlər mövzusunda böyük müzakirələrə səbəb olub.

Telegramda izləyin