"İnsan özünü kənar şəxslərin təsdiqi olmadan qiymətləndirə bilmir" - PSİXOLOQ

"Müasir gənclər hazırda elə bir informasiya mühitində formalaşır ki, bu mühitdəki dəyərlər real bacarıqla deyil, görüntü və görünüşlə ölçülür. Sosial media, xüsusilə də influencer sahəsi isə görüntü baxımından psixoloji cəhətdən çox zərərli bir mexanizm yaradır. Yəni insan özünü kənar şəxslərin təsdiqi olmadan qiymətləndirə bilmir. Bizim cəmiyyətdə isə vəziyyət daha da kəskindir".

Bu sözləri Sonxeber.az-a psixoloq Samirə Bağırova danışıb.

O, açıqlamasında qeyd edib ki, ümumilikdə sosial mühit aqressivdir, lağlağıya meyllidir və sözlə insanın dəyərini aşağı salmağı "zarafat" hesab edir və bu psixologiyada kənardan təsdiq asılılığı adlanan sindromun riskli vəziyyəti deməkdir:

"Influencer təzyiqinin gənclərə mənfi təsirləri nələrdir? Gənclər özlərini real sahib olduqları potensiala deyil, süni şəkildə idealizə olunmuş influencer həyatlarına baxaraq dəyərləndirirlər. Bu müqayisənin isə demək olar ki, həmişə psixoloji zərərləri olur. Emosional gərginlik artır.

Ayrıca influencerlər özləri daim görünmək, paylaşmaq, izləyicini itirməmək üçün yarışmaq, psixikanı davamlı gərgin vəziyyətdə saxlayır. Bu isə həm daxili narahatlığı, həm də "emosional tükənmə"ni sürətlə artırır. Çünki onlar çox halda sanki öz həyatlarını deyil,auditoriyanın istəyini yaşayırlar".

Telegramda izləyin