Şirniyyat istehsal edilən məkanda dəhşətli mənzərə - FOTOlar

Türkiyədə, Kocaelinin Derince rayonunda yerləşən şirniyyat istehsalı müəssisəsində aparılan yoxlama zamanı mədə bulandıran mənzərələr üzə çıxıb.

Sonxeber.az türk mediasına istinadən xəbər verir ki, yoxlama zamanı istehsal sahəsi və mətbəxdə gigiyena qaydalarına əməl edilmədiyi aşkarlanıb.

Antihigiyenik şəraitlə qarşılaşan Elyıldırım işçi heyətinə irad bildirərək deyib:

"Burada qidanı necə istehsal edirsiniz? Bura çirkab içindədir. Bu şəkildə olmaz. Təmizlik ləvazimatları belə düzgün yerdə deyil. Məkanın vəziyyəti çox pisdir".

Yoxlama qrupları istehsalda istifadə olunan yağ bidonlarını da araşdırıb. Bu məhsulların qida kodeksinə uyğun olmadığı və tarixlərinin yoxlanmalı olduğu bildirilib. Həmçinin digər kənar hissələrdə yığılan çirkli materiallar, tullantılar və sanitariya tələblərinə cavab verməyən şərait diqqət çəkib. İş yerində hətta xarab olmuş məhsulların istifadə edildiyi də müəyyən olunub.

Bundan əlavə, qida istehsalı üçün nəzərdə tutulmuş sahədə işçilərə məxsus yataq otaqları və şəxsi yaşayış yerlərinin də olduğu üzə çıxıb. Elyıldırım bu vəziyyətin qanunvericiliyə zidd olduğunu vurğulayaraq deyib:
"Qida hazırlanan sahələrdə yataqxana olmaz. Qanunlarda da bu barədə açıq şəkildə maddə var".

Yoxlamanın sonunda Elyıldırım belə şəraitdə istehsalın mümkünsüz olduğunu bildirib:

"Derincenin sakinlərinə belə məhsulları yedirtmərəm. Bunun izahı yoxdur. Bələdiyyə olaraq buna icazə verməyəcəyik".

Aşkarlanan bütün qayda pozuntuları ilə bağlı dərhal hüquqi tədbirlər görülməsi tapşırılıb və müəssisənin fəaliyyəti dayandırılaraq möhürlənib.

Telegramda izləyin