Azərbaycan Qvatemaladan avokado tədarük etməyə başlayıb

Ötən il Azərbaycan 2,7 milyon ABŞ dolları dəyərində 536 ton avokado (təzə və ya qurudulmuş) idxal edib.

"Report"un Dövlət Statistika Komitəsinin məlumatları əsasında apardığı hesablamalara əsasən, bu, 2024-cü ilin göstəricisindən dəyər ifadəsində 25 %, kəmiyyət olaraq - 10 % çoxdur.

Hesabat dövründə Azərbaycan Perudan 1,1 milyon ABŞ dolları dəyərində (1 il əvvəlki göstəricidən 5 % çox) 315 ton (-0,3 %), Türkiyədən 293 min ABŞ dolları dəyərində (-48 %) 195 ton (-48 %), Cənubi Afrikadan 276 min ABŞ dolları dəyərində (+27 %) 91 ton (+25 %), Birləşmiş Tanzaniyadan 259 min ABŞ dolları dəyərində (+65 dəfə) 83 ton (+109 dəfə), İsraildən 217 min ABŞ dolları dəyərində (+8 dəfə) 86 ton (+10 dəfə) avokado alıb.

Ötən il son 14 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Qvatemaladan tədarük (1,9 min ABŞ dolları dəyərində 0,4 ton) həyata keçirilib.

2024-cü ildə Azərbaycana idxal edilmiş 832 ton avokadonun 45 %-i Türkiyənin, 38 %-i Perunun payına düşüb.

Telegramda izləyin