Quzu əti kəskin ucuzlaşıb: Səbəb nədir?

Bu günlərdə quzu əti kəskin ucuzlaşıb.

Qaynarinfo xəbər verir ki, bir neçə ay əvvəl 30-32 manata satılan quzu ətinin qiymətində azalma müşahidə olunub.

Beyləqan rayonundakı ət bazarından verilən məlumata görə, hazırda çəkisi 8-12 kiloqram arasında olan quzu ətinin bir kilosu 22 manata təklif olunur.

12-18 kiloqramlıq qoyun ətinin kilosu isə 20 manata satılır. Quzu ətinin qiyməti ilə bağlı Bakıda da satış nöqtələrinə baş çəkilib.

Məşhur "Ətçilər" məhləsindəki dükanlarda quzu ətinin bir kilosu 22-24 manat arasında satılır.

Masallı rayonunda isə quzular kiloqramla deyil, bütöv şəkildə satılır. 10 kiloluq quzu 240-250 manat, 15 kiloluq 280-300 manat, 20 kiloluğu isə 350-380 manata təklif olunur.

Satıcılar quzu ətinin bir neçə ay əvvəl 32 manata qədər bahalaşmasının səbəbini ölkədə heyvanlar arasında geniş yayılan dabaq xəstəliyi ilə əlaqələndirirlər.

Telegramda izləyin