Tarixi qələbədən sonra etiraz: küçələr boş qaldı - VİDEO

Türkiyə milli futbol komandası 24 ildən sonra Dünya Çempionatına vəsiqə qazanaraq böyük uğura imza atsa da, bu nailiyyətin qeyd olunma tərzi müzakirələrə səbəb olub.

Sonxeber.az türk mediasına istinadən xəbər verir ki, İstanbul şəhərində qələbəni qeyd etmək üçün küçəyə çıxan bir vətəndaşın boş küçələrlə qarşılaşması və buna sərt reaksiya verməsi sosial şəbəkələrdə gündəm olub. Onun narazılığı "belə bir tarixi uğur niyə gözlənilən coşğu ilə qeyd olunmur?" sualını ortaya çıxarıb.

Bəzi istifadəçilər əvvəlki illərlə müqayisədə insanların daha sakit reaksiya verdiyini bildirir, digərləri isə sosial və iqtisadi amillərin bu vəziyyətə təsir etdiyini qeyd edirlər.

Müzakirələr göstərir ki, böyük idman uğurları hər zaman eyni səviyyədə ictimai coşğu ilə qarşılanmır və bu, cəmiyyətin ümumi psixoloji və sosial vəziyyətindən də asılıdır.

Telegramda izləyin