TikTok canlı yayımında bıçaqlanma hadisəsi: şübhəli saxlanıldı

TikTok platformasında baş verən insident ictimaiyyətdə ciddi narahatlıq doğurub.

Sonxeber.az türk mediasına istinadən xəbər verir ki, "Karagül" adlı istifadəçi canlı yayım zamanı bir şəxsi bıçaqlayarkən yayını dayandırmaması ilə diqqət çəkib.

Hadisə zamanı izləyicilərin yayımı izləməyə davam etməsi və hətta hədiyyələr göndərməsi sosial mediada geniş müzakirələrə səbəb olub. Görüntülərin yayılmasından sonra hüquq-mühafizə orqanlarına daxil olan məlumat əsasında şübhəli şəxs saxlanılıb.

Bildirilir ki, qadın polis əməkdaşları tərəfindən nəqliyyat vasitəsinə mindirildiyi zaman da canlı yayımı davam etdirib.

Faktla bağlı araşdırmalara başlanılıb. Yaralanan şəxsin sağlamlıq vəziyyətinin qiymətləndirildiyi və hadisənin bütün təfərrüatlarının araşdırıldığı qeyd olunur.

Telegramda izləyin