Sosial şəbəkələrdə geniş rezonans doğuran bu hadisə məşhurlar və maliyyə cinayətləri mövzusunu yenidən gündəmə gətirib

Braziliyada sosial media fenomeni və vəkil Deolane Bezerra futbolçu Neymar ilə əlaqəli fonda etdiyi iri məbləğli ianədən sonra çirkli pulların yuyulması şübhəsi ilə istintaqa cəlb olunub.

Sonxeber.az xarici mediaya istinadən xəbər verir ki, Bezerra-nın bank hesablarında şübhəli pul dövriyyəsi aşkarlanıb və bu vəsaitlərin qanunsuz gəlirləri gizlətmək üçün istifadə olunduğu ehtimal edilir. İddialara əsasən, o, qeyri-qanuni qumar, dələduzluq və narkotik ticarətindən əldə edilən pulların leqallaşdırılmasında iştirak edən şəbəkə ilə əlaqəli ola bilər.

Araşdırma zamanı qısa müddətdə hesabından böyük məbləğdə vəsaitin hərəkət etdiyi, həmçinin lüks alışlar həyata keçirildiyi müəyyən edilib. Hüquq-mühafizə orqanları bu əməliyyatların real kommersiya məqsədi daşımadığını bildirir.

Rəsmilər vurğulayıb ki, Neymar bu istintaqda şübhəli şəxs kimi keçmir. Faktla bağlı araşdırmalar davam edir.

Telegramda izləyin