Məşhur marketlərin birində qaralmış bananların endirimlə satılması müzakirə yaradıb

Türkiyədə fəaliyyət göstərən marketlərdən birində çəkilən foto qısa zamanda sosial mediada geniş yayılıb.

Sonxeber.az türk mediasına istinadən xəbər verir ki, görüntülərdə xeyli dərəcədə qaralmış bananların satışa çıxarıldığı əks olunub.

Məhsulun yerləşdirildiyi kassanın üzərindəki etiketdə "Yerli banan kq 99,90 TL əvəzinə 75,00 TL" ifadələrinin yer aldığı diqqət çəkib. İstehlak müddətinin sonuna yaxın olan bananların bu şəkildə satışa təqdim olunması alıcıların təəccübünə səbəb olub.

Görüntülərin yayılmasından sonra sosial şəbəkə istifadəçiləri məsələ ilə bağlı müxtəlif fikirlər səsləndiriblər. Bəzi vətəndaşlar bu vəziyyəti istehlakçıya hörmətsizlik kimi qiymətləndirərək tənqid edib, digərləri isə məhsulların israf olunmaması üçün satışa çıxarılmasını müəyyən mənada anlayışla qarşılayıb.

Şərhlər arasında "İnsanlara bu qədər laqeyd yanaşırlar", "Buna görə pul yox, əksinə pul verməlidirlər", "Bu artıq hədddir" kimi sərt reaksiyalar da yer alıb.

Telegramda izləyin