Anasını öldürüb eyni silahla intihar etdi - VİDEO

Türkiyənin Samsun şəhərində baş verən dəhşətli ailə faciəsi cəmiyyətdə ciddi rezonans doğurub.

Sonxeber.az türk mediasına istinadən xəbər verir ki, 23 yaşlı Məhəmmət Karadəmir mübahisə zamanı anası Ayşə Karadəmiri ov tüfəngi ilə qətlə yetirdikdən sonra intihar edib.

Hadisə İlkadım rayonu Kıran məhəlləsi, 679-cu küçədə saat 13:00 radələrində qeydə alınıb. Məlumata görə, heyvan alqı-satqısı ilə məşğul olan Məhəmmət Karadəmir ilə anası arasında heyvanlara baxdıqları zaman mübahisə yaranıb. Mübahisə qısa müddətdə böyüyərək faciə ilə nəticələnib. Karadəmir özünə məxsus lisenziyalı ov tüfəngi ilə anasına atəş açıb.

Anasını qətlə yetirdikdən sonra o, eyni silahla öz həyatına son qoyub. Hadisə yerinə gələn yaxınları ana və oğulu qan içində taparaq dərhal 112 Təcili Çağrı Mərkəzinə məlumat veriblər.

Hadisə yerinə cəlb olunan polis və təcili tibbi yardım briqadaları Ayşə və Məhəmmət Karadəmirin həyatını itirdiyini müəyyən ediblər. Bildirilir ki, hadisə zamanı evdə başqa heç kim olmayıb.

Ana və oğulun meyitləri hadisə yerində aparılan ilkin araşdırmalardan sonra məhkəmə-tibbi ekspertiza üçün müvafiq quruma təhvil verilib.

İlkin məlumatlara əsasən, Məhəmmət Karadəmirin "narkotik vasitələrdən istifadə" maddəsi üzrə əvvəllər qeydiyyatda olduğu, həmçinin qumar borcunun da olduğu bildirilir. Hadisənin bütün təfərrüatları araşdırılır.

Telegramda izləyin