3 gün əvvəl toyu olan qızın meyiti tapıldı - VİDEO

Türkiyənin Mersin vilayətinin Tarsus rayonunda meyit tapılıb.

Sonxeber.az türk mediasına istinadən xəbər verir ki, hadisə Kemalpaşa məhəlləsi ərazisindən keçən çayda baş verib. Suyun apardığı şəxsi görən vətəndaşlar dərhal 112 Təcili Yardım xidmətinə məlumat veriblər.

Hadisə yerinə polis və tibb işçiləri ilə yanaşı, bölgədə itkin düşən 18 yaşlı Batu Yetiş Kerem Kaplanın axtarışını aparan AFAD koordinasiyalı qruplar da cəlb olunub. Əraziyə çatan mütəxəssislər qadının həyatını itirdiyini müəyyən ediblər. Aparılan ilkin araşdırmalardan sonra meyit şəxsiyyətinin dəqiqləşdirilməsi və tibbi ekspertiza üçün morqa göndərilib.

Kimliyin müəyyənləşdirilməsi zamanı məlum olub ki, həyatını itirən şəxs Tarsus bələdiyyəsində təmizlik işçisi kimi çalışan 33 yaşlı M.M.-dir. Qadının cəmi 3 gün əvvəl ailə qurduğu öyrənilib. Onun gödəkçəsi və ayaqqabıları isə hadisə yerinə yaxın körpüdə aşkarlanıb.

Hadisənin intihar olduğu ehtimal edilir. M.M.-dən geriyə isə həyat yoldaşı ilə üç gün əvvəl çəkilmiş fotosu və dostlarına göndərdiyi toy dəvətnaməsi qalıb. Faktla bağlı araşdırmalar davam etdirilir.

Telegramda izləyin