Bahalı maşını görməyib üzərinə çıxdı, sürücünün sözləri diqqət çəkdi - VİDEO

ABŞ-ın Florida ştatında baş verən maraqlı yol-nəqliyyat hadisəsi sosial mediada geniş müzakirələrə səbəb olub.

Sonxeber.az xarici mediaya istinadən xəbər verir ki, qadın sürücü dayanacaqda manevr edərkən alçaq konstruksiyaya malik olduğu üçün fərqinə varmadığı Lamborghini markalı avtomobilin üzərindən pikapla keçib.

Hadisə anını əks etdirən görüntülərdə sürücünün park zamanı lüks idman avtomobilini görməyərək onun üzərindən keçdiyi aydın görünür. Nəticədə avtomobilə ciddi ziyan dəyib.

Qəzanın ardından Lamborghini-nin sahibi məsələni sakit qarşılayaraq, "Tanrıya bir gün də yaşamaq imkanı verdiyi üçün şükür edirəm. Maddi şeylər mənim üçün o qədər də önəmli deyil, ən vacibi sağlamlıqdır" deyə bildirib.

Qısa müddətdə milyonlarla baxış toplayan görüntülər, həm qəzanın qeyri-adi forması, həm də sürücünün avtomobili fərq etməməsi səbəbilə sosial şəbəkələrdə geniş rezonans doğurub.

Telegramda izləyin