Diş ağrısı ilə getdi, 25 dişindən oldu

Sivasda diş ağrısı şikayəti ilə xəstəxanaya müraciət edən Gülbəyaz Çelikdemir, tanımadığı bir şəxsin yönləndirməsi ilə özəl klinikaya gedərək 25 dişini itirib.

Sonxeber.az türk mediasına istinadən xəbər verir ki, məlumata görə, qadına 8 implant yerləşdirilib. Lakin sonradan onda infeksiya və müxtəlif sağlamlıq problemləri yaranıb. Çelikdemir bildirir ki, şikayətləri həkimlər tərəfindən "psixoloji" kimi qiymətləndirilib və ona ödənişin geri qaytarılması ilə bağlı heç bir yardım göstərilməyib.

Zərərçəkmiş qadın müalicə üçün külli miqdarda pul xərclədiyini qeyd edib. O, məsul şəxslər barəsində məhkəməyə müraciət edib və ədalətin bərpa olunmasını gözləyir.

Faktla bağlı araşdırmalar davam etdirilir.

Telegramda izləyin