Birlikdə içki içən iki dostun davası faciə ilə nəticələndi

Türkiyənin Denizli vilayətində birlikdə spirtli içki qəbul edən iki dost arasında yaranan mübahisə qanlı sonluqla bitib.

Sonxeber.az xarici mediaya istinadən xəbər verir ki, hadisə Serinhisar rayonunun Kocapınar Mahallesi məhəlləsində baş verib. Məlumata görə, Erol Baysal dostu Hüseyin D. ilə birlikdə evində spirtli içki içməyə başlayıb.

Bir müddət sonra tərəflər arasında başlayan sözlü mübahisə davaya çevrilib. Bu zaman Hüseyin D. yanında olan silahla dostuna ard-arda atəş açıb.

Silah səslərini eşidən sakinlərin məlumat verməsindən sonra hadisə yerinə təcili tibbi yardım və polis əməkdaşları cəlb olunub. Həkimlərin ilkin baxışı zamanı Erol Baysalın hadisə yerində həyatını itirdiyi müəyyən edilib.

Şübhəli Hüseyin D. polis tərəfindən saxlanılıb. Meyit ekspertiza üçün Denizli Məhkəmə Tibb Qurumunun morquna aparılıb. Faktla bağlı araşdırma başlanıb.

Telegramda izləyin