2 aylıq körpəsini öldürən ananın sözlərini eşidən şok olur - VİDEO

Türkiyənin Bolu vilayətinin Gerede rayonunda 2 aylıq körpəsini boğazını kəsərək öldürdüyü iddiası ilə həbs edilən ana ilə bağlı yeni təfərrüatlar üzə çıxıb.

Sonxeber.az xarici mediaya istinadən xəbər verir ki, hadisə aprelin 25-də Gerede rayonunun Kitirlər məhəlləsində baş verib. Məlumata görə, 2 aylıq Ela C. evdə boğazı kəsilmiş vəziyyətdə ölü tapılıb. Cinayətdə şübhəli bilinən ana Serpil C. (30) evdən çıxaraq D-100 magistral yolu ilə Yeniçağa istiqamətində kilometrlərlə piyada hərəkət etdikdən sonra polis əməkdaşları tərəfindən saxlanılıb.

Qadın ilkin dindirilmə zamanı ittihamları qəbul etməyərək, "Körpəmi qətiyyən mən öldürməmişəm, onu kimin öldürdüyünü də bilmirəm" deyib. Daha sonra o, Gerede Rayon Ədliyyəsinə təhvil verilib və məhkəmənin qərarı ilə "xüsusi amansızlıqla qəsdən adam öldürmə" maddəsi ilə həbs olunub.

Məlumata görə, hadisədən dərhal sonra Serpil C. həyat yoldaşı Selahattin C.-yə zəng vuraraq, "Körpəyə nəsə oldu, mən evdən gedirəm" söyləyib və telefonu bağlayıb. Bu sözləri eşidən ata təşviş içində evə qayıdıb və 2 aylıq qızı Elanın cansız bədəni ilə qarşılaşıb.

Körpənin cənazəsi dünən Demircisopran kənd məscidində qılınan cənazə namazından sonra kənd qəbiristanlığında torpağa tapşırılıb. Ailənin 2024-cü ildə evləndiyi, Serpil C.-nin evdar qadın, Selahattin C.-nin isə fabrik işçisi olduğu bildirilib.

İddialara görə, mart ayının əvvəlində doğuş edən Serpil C. hadisədən təxminən bir ay əvvəl rayon xəstəxanasında müayinədən keçərkən, vəziyyətini müşahidə edən həkim ona psixiatriya şöbəsinə müraciət etməyi tövsiyə edib. Daha sonra ailənin Boludakı özəl xəstəxanaya getdiyi qeyd olunur.

Göz yaşları içində keçirilən dəfn mərasimində ayaq üstə dayanmaqda çətinlik çəkən ata Selahattin C. mərasimdən sonra özünü pis hiss edib. Sinir böhranı keçirdiyi bildirilən kişi xəstəxanaya aparılaraq müalicə altına alınıb.

Faktla bağlı araşdırmalar davam edir.

Telegramda izləyin