Kiçik bacısını kafedə oğlanla görən qadın dava çıxardı - VİDEO

Türkiyənin Bolu şəhərində kafedə baş verən ailədaxili mübahisə polis müdaxiləsi ilə nəticələnib.

Sonxeber.az türk mediasına istinadən xəbər verir ki, hadisə şəhər bələdiyyə binasının yaxınlığında yerləşən iş mərkəzinin bitişiyindəki kafedə qeydə alınıb. Məlumata görə, qadın kafedə kiçik bacısını naməlum kişi ilə əyləşmiş halda görüb və onların oturduğu masaya yaxınlaşaraq yüksək səslə etiraz etməyə başlayıb. Bu zaman tərəflər arasında mübahisə yaranıb.

Gərginlik zamanı ərazidə olan bir vətəndaş da hadisəyə müdaxilə edərək qadına dəstək verib. Mübahisənin böyüməsi fonunda kimliyi hələ müəyyənləşdirilməyən kişi təşvişə düşərək kafedən uzaqlaşıb.

Qadının qışqırıqlarını eşidən ətrafdakı şəxslərin məlumat verməsindən sonra hadisə yerinə polis əməkdaşları cəlb olunub. Qaçan şəxsdən şikayətçi olan qadın və mübahisəyə qarışan vətəndaş ifadələrinin alınması üçün Bahçelievler Polis Bölməsinə aparılıb.

Faktla bağlı araşdırma aparılır.

Telegramda izləyin