Şimali Koreyada edamların artdığı bildirilir: Xarici serial izləyənlərə belə ağır cəza veriləcək

Şimali Koreya ilə bağlı beynəlxalq mediada yayılan məlumatlara əsasən, COVID-19 pandemiyasından sonra ölkədə edam hallarının kəskin şəkildə artdığı bildirilir.

Sonxeber.az xəbər verir ki, məlumata görə, sərhədlərin bağlanmasından sonra edamların sayının iki dəfə artdığı, edam cəzasına məhkum edilənlərin isə üç dəfə çoxaldığı qeyd olunur.

Xüsusilə xarici istehsalı olan serial və filmləri izləyən şəxslərə qarşı sərt cəzaların tətbiq edildiyi, həmçinin siyasi ittihamlarla ağır hökm çıxarıldığı iddia edilir.

Bildirildiyinə görə, edamların böyük hissəsi ictimai şəkildə həyata keçirilir. Rəsmi Pxenyan isə bu iddialarla bağlı adətən ya açıqlama vermir, ya da onları təkzib edir.

Beynəlxalq insan hüquqları təşkilatları isə ölkədə cəza sisteminin daha da sərtləşdiyini və vəziyyətin ciddi narahatlıq doğurduğunu vurğulayır.

Telegramda izləyin