Dükanda oturub söhbət edirdilər, göydən toyuq düşdü - VİDEO

Mersinin Tarsus rayonunda əmlak ofisinin qarşısında oturub çay içən şəxslər qarşı binanın 5-ci mərtəbəsindən uçaraq masalarına düşən toyuq səbəbindən qısa müddətli təşviş keçiriblər.

Sonxeber.az türk mediasına istinadən xəbər verir ki, hadisə Öğretmenler Mahallesində baş verib. Məlumata görə, küçədə yerləşən əmlakçı dükanının önündə oturan vətəndaşlar çay içib söhbət etdikləri zaman qarşı binanın yuxarı mərtəbələrindən bir toyuq qəfil onların olduğu masaya doğru uçub.

Kameralara əks olunan görüntülərdə toyuğun 5-ci mərtəbədən uçaraq masanın üzərinə düşdüyü, masa ətrafında olan şəxslərin isə təşviş içində yerlərindən qalxdıqları görünür. Qısa müddətli şok yaşayan şəxslərin daha sonra gülərək bir-birindən nə baş verdiyini soruşmaları diqqət çəkib.

Hadisə zamanı xəsarət alan olmayıb. Toyuğun qəfil enişi və insanların reaksiyası ətrafda maraqlı anların yaşanmasına səbəb olub.

Hadisə şahidi olan əmlakçı Erkan Çağ bildirib ki, dostları ilə çay içib söhbət etdikləri anda yuxarıdan bir toyuq üzərlərinə uçub: "Əlbəttə, həmin an qorxduq və narahat olduq. Sonra gördük ki, qarşı binanın damından uçub. Sahibi də bizə əl edərək ‘Bizim toyuq uçdu’ deyirdi."

Telegramda izləyin