Tutuquşularla bağlı tədqiqat maraqlı məqamları üzə çıxardı - Elmi araşdırma

Alimlər tutuquşuların insan adlarını və ev heyvanlarının ləqəblərini onlarla ünsiyyət qurmaq üçün yadda saxladıqlarını müəyyən ediblər.

Oxu.Az Rusiya mətbuatına istinadən xəbər verir ki, bu fakt Avstriya və ABŞ tədqiqatçıları tərəfindən elmi şəkildə sübuta yetirilib.

Araşdırma zamanı məlum olub ki, ünsiyyətcil tutuquşu növləri konkret insanlara və heyvanlara adları ilə müraciət edə bilirlər. Tədqiqatçılar tutuquşu sahibləri arasında sorğu keçiriblər. Sorğuda 89 növə aid 1 202 quş haqqında məlumat toplanıb.

Sahiblər tutuquşuların müntəzəm tələffüz etdiyi söz və cümlələri, həmçinin tez-tez işlətdikləri ifadələri mütəxəssislərə təqdim ediblər. Alimlər bu məlumat bazasından insan adlarının və ev heyvanlarının ləqəblərinin yer aldığı bütün sözləri seçərək təhlil ediblər.

Analiz nəticəsində məlum olub ki, tutuquşuların əksəriyyəti nəinki sahiblərinin adlarını və digər heyvanların ləqəblərini yadda saxlamağı bacarır, həm də onlardan məqsədyönlü şəkildə, yəni təyinatı üzrə istifadə edirlər.

Telegramda izləyin