Məktəbdə şok hadisə: 8 yaşlı uşaqları valideynlər döydü - VİDEO

Konya şəhərində yerləşən ibtidai məktəblərin birində baş verən hadisə cəmiyyətdə ciddi narazılıq yaradıb. Şagirdlər arasında yaranan "parta" mübahisəsi ağır nəticə ilə yekunlaşıb.

Sonxeber.az türk mediasına istinadən xəbər verir ki, Məlumata görə, 8 yaşlı iki şagird mübahisə etdikləri uşağın valideynləri - anası, atası və nənəsi tərəfindən məktəb ərazisində fiziki zorakılığa məruz qalıb.

Zərərçəkən uşaqlardan birinin anası hadisənin təfərrüatlarını danışarkən bildirib ki, övladına qarşı tətbiq olunan zorakılıq onu sarsıdıb: "Məni döysəydilər, bu qədər ağrımazdı. Uşağım çantasını çıxararkən saçından sürüyərək lövhənin qarşısına aparıblar, qarnına və ayaqlarına vurublar. Başını lövhəyə çırpıblar".

Hadisə ilə bağlı araşdırma aparıldığı bildirilir. Məktəbdə baş verən bu insident sosial mediada geniş rezonans doğurub və azyaşlılara qarşı zorakılıq məsələsini yenidən gündəmə gətirib.

Telegramda izləyin