"Chanel"in yeni ayaqqabısı tənqid edilir

Moda dünyasının ən köklü markalarından biri olan Chanel bu dəfə trend yaratmaqdan çox qeyri-adi və demək olar ki, "yox səviyyəsində" görünən ayaqqabı modeli ilə gündəmə gəlib.

Sonxeber.az xarici mediaya istinadən xəbər verir ki, marka 2026/2027 yaz-yay kolleksiyasını Nicole Kidman da daxil olmaqla bir çox məşhur simanın qatıldığı xüsusi tədbirdə təqdim edib. Lakin podiumda nümayiş olunan kolleksiyanın ən çox diqqət çəkən parçası modellərin geyindiyi çılpaq ayaq effekti yaradan sandal olub.

Ayaqqabının dizaynında yalnız daban hissəsində incə platforma və topuq nahiyəsini əhatə edən bağlar diqqət çəkir. Ayaq barmaqları, daban və taban hissəsi böyük ölçüdə açıq qaldığı üçün model "ayaqqabısız ayaqqabı" kimi xarakterizə olunub.

Sosial şəbəkə istifadəçiləri bahalı sandala sərt reaksiyalar veriblər. Şərhlərdə "Buna ayaqqabı deməyə min şahid lazımdır", "Yaxşıdır, amma qalan hissəsi haradadır?", "Bu absurda hansı tələb var?", "İnsanlar bu qədər sadəlövhdür, yoxsa markalar çox hiyləgərdir?", "Daban hissəsini düzəltmək zəhmət olub", "Bunu çimərlikdə necə geyinəcəyik, ayaqlarımız yanar", "Biabırçılıqdır, bunu harada geyinək?" kimi fikirlər səsləndirilib.

Qeyd edək ki, qeyri-adi sandalın dizaynı Matthieu Blazy imzasını daşıyır.

Telegramda izləyin