Namaza duran ata oğlunu hamamda ölü tapıb - VİDEO

Manisa vilayətinin Alaşehir rayonunda atası ilə birlikdə yaşayan 44 yaşlı Halil Metingider evlərinin hamam otağında hərəkətsiz vəziyyətdə tapılıb.

Sonxeber.az türk mediasına istinadən xəbər verir ki, hadisə İstasyon məhəlləsində, Tren Yolu küçəsində yerləşən ikimərtəbəli evdə saat 15:00 radələrində qeydə alınıb. Məlumata görə, 80 yaşlı atası İ.M. yatdığı vaxt Halil Metingider yuyunmaq üçün hamama daxil olub.

Namaz vaxtı üçün qurduğu zəngli saatın səsinə oyanan ata dəstəmaz almaq məqsədilə hamama gedərkən oğlunu yerdə hərəkətsiz vəziyyətdə görüb. Oğlunu qaldırmağa çalışsa da, buna nail ola bilməyib və dərhal 112 Təcili Yardım xidmətinə məlumat verib.

Hadisə yerinə gələn tibb işçiləri Halil Metingiderin həyatını itirdiyini müəyyən ediblər.

Cumhuriyet Savcılığı nümayəndəsinin hadisə yerində apardığı araşdırmadan sonra meyit ölüm səbəbinin dəqiqləşdirilməsi üçün əvvəlcə Alaşehir Dövlət Xəstəxanası morquna, daha sonra isə İzmir Adli Tıp Kurumu-na göndərilib.

Ata ifadəsində bildirib ki, evdə birlikdə olublar, özü yatıb, namaz vaxtı üçün saat qurub. Saat çalanda hamama gedib və oğlunu yerdə uzanmış vəziyyətdə görüb.

Faktla bağlı polis tərəfindən araşdırma aparılır.

Telegramda izləyin