Çelentanonun son halı görənləri məyus etdi

Adriano Çelentanonun adı çoxdan dünya tarixinə XX əsrin kino və musiqi səhnəsinin ən parlaq nümayəndələrindən biri kimi həkk olunub.

Lent.az xarici mediaya istinadla xəbər verir ki, zaman keçdikcə o, kameralardan və səs-küydən uzaq, sakit və təcrid olunmuş bir həyat tərəfdarı kimi ictimai həyatdan tamamilə uzaqlaşdı.

Bununla əlaqədar olaraq, onun yeni fotoşəkilləri nadirən üzə çıxır. Bu yaxınlarda isə bir istisna baş verdi: avtomobildə çəkilmiş təsadüfi bir kadr pərəstişkarlarına onun bu gün necə göründüyünü görmək imkanı yaradıb.

Fotoşəkildə Çelentano gülümsəyir və jestlə fotoqrafları salamlayır. O, sərnişin oturacağında oturub və kürəyinin altına yastıq qoyub.

Hazırda Çelentanonun 87 yaşı var və yaşla bağlı dəyişikliklər artıq nəzərə çarpır, lakin onun görünüşündə hələ də sevilməsinə səbəb olan həmin məşhur xarizma hiss olunur.

Telegramda izləyin