Meksikada meymundan "şirin oğurluq": Şirniyyat mağazasına girib çörək oğurladı - VİDEO

Meksikanın paytaxtı Mexiko şəhərində qeyri-adi hadisə baş verib. Hörümçək meymunu məşhur şirniyyat mağazasına girərək vitrinə yönəlib, seçdiyi şirniyyatları götürüb saniyələr içində oradan uzaqlaşıb. Hadisə anı mobil telefon kamerasına düşüb.

Sonxeber.az xarici mediaya istinadən xəbər verir ki, meymun müştərilərin təəccüblü baxışları altında sürətlə piştaxtaya qalxaraq birbaşa donut və şirin çörəklərin saxlandığı şüşəli bölməyə yaxınlaşıb. Heç tərəddüd etmədən istədiyi məhsulları götürən heyvan həm ağzına, həm də əlinə keçirdiyi iki çörəklə mağazadan çıxıb.

Hadisəni lentə alan şəxslərin gülüşləri və təəccüb dolu reaksiyaları görüntülərdə aydın hiss olunur. Şahidlər meymunun çox çevik və planlı hərəkət etdiyini bildiriblər.

Onların sözlərinə görə, meymun hansı məhsulu götürəcəyini əvvəlcədən bilirmiş kimi davranıb. Bəzi şəxslər zarafatla bunun onun ilk səfəri olmadığını və "peşəkar oğru" kimi davrandığını söyləyiblər.

Qısa zamanda sosial şəbəkələrdə yayılan görüntülər minlərlə baxış toplayıb. Pastane rəhbərliyi isə sevimli "oğru"dan şikayətçi olmayıb. Meymunun yenidən geri qayıdıb-qayıtmayacağı isə maraqla gözlənilir.

Telegramda izləyin