Səhərlər daha xoşbəxt oyanmaq üçün yatmazdan əvvəl edə biləcəkləriniz

Səhərlər daha gümrah və xoşbəxt oyanmaq təkcə genetikadan asılı deyil; bu, həm də yatmazdan əvvəl tətbiq etdiyiniz vərdişlərin nəticəsidir.

Milli.Az xəbər verir ki, ekspertlərin rəyinə əsasən, daha keyfiyyətli yuxu və enerjili sabahlar üçün aşağıdakı 7 tövsiyəni tətbiq edə bilərsiniz:

Yuxu planlamasına zaman ayırın
Yaxşı yuxu sağlamlığı üçün planlı olmaq şərtdir.

Hər axşam eyni saatda yatıb, hər səhər eyni saatda durmaq bədən saatınızı tənzimləyir.

Pis bir gecə keçirsəniz belə, oyanma saatınızı dəyişməmək növbəti gecə üçün yuxu istəyinizi artırır və ruh halınızı yaxşılaşdırır.

Hüzurlu yuxu mühiti yaradın
Yataq otağının fiziki şəraiti yuxu keyfiyyətinə birbaşa təsir edir.

Otağın sərin, səssiz və qaranlıq olması daha dinc yuxunu təmin edir.

Yatağı yalnız yuxu üçün istifadə edin
Yataq stress və işlə deyil, yalnız istirahətlə əlaqələndirilməlidir.

Sosial mediada gəzmək, e-poçt yazmaq və ya dərin düşüncələrə dalmaq üçün yatdıqdan sonra yataqda qalmayın.

Rahatlama rutini inkişaf etdirin
Yatmazdan 1-2 saat əvvəl bədənə "gün bitdi" mesajını vermək lazımdır.

İşıqları loşlaşdırın, kitab oxuyun, ekranlardan uzaqlaşın və ya yüngül dartınma (stretching) hərəkətləri edin.

Həyat tərzində dəyişikliklər edin
Bəzi maddələr və fəaliyyətlər yuxuya dalmağı çətinləşdirir.

Yatmazdan əvvəl alkoqol, kafein, ağır yeməklər, elektron cihazlar və ağır idmandan uzaq durun.

Axşam yeməyini yatmazdan təxminən 3 saat əvvəl bitirməyə çalışın.

Sakitləşdirici səslərdən yararlanın
Səs yuxuya keçidi asanlaşdıran bir vasitə ola bilər.

Yorğun olduğunuzda və ya oxumaq istəmədiyinizdə okean dalğaları və ya quş civiltiləri kimi təbiət səslərini dinləmək xoşbəxtliyi dəstəkləyir.

Stressi yatağa daşımayın
Zihni məşğul edən düşüncələr xoşbəxt oyanmağın qarşısını alır.

Narahatlıqları və planları bir kağıza yazmaq beyninizi boşaltmağa kömək edir.

Hər səhər oyandıqda 3 səhifə sərbəst yazı yazmaq, düşüncələri emal etmək üçün strukturlaşdırılmış bir sahə yaradır və bu düşüncələrin gecə geri dönmə ehtimalını azaldır.

Bu strategiyaları müntəzəm tətbiq etməklə həm gecələrinizi daha hüzurlu, həm də sabahlarınızı daha balanslı edə bilərsiniz.

Telegramda izləyin