Paltarlarınızın gözəl qoxması üçün qarderoba bunu qoyun

Paltarın xoş qoxusu insanın səliqəli və baxımlı görünməsində mühüm rol oynayır. Məhz buna görə bahalı butik və otellərdə geyimlər adətən incə və zərif ətir qoxusu ilə seçilir. Mütəxəssislər bildirirlər ki, bu effekti əldə etmək üçün şkafda tək bir qoxudan deyil, bir neçə aromatik notun birləşməsindən istifadə etmək lazımdır. Bu üsul əsl ətirlərin hazırlanma prinsipi ilə eynidir.

Lent.az xarici mediaya istinadla xəbər verir ki, qurudulmuş portağal qabığı, mixək və darçın çubuğu birlikdə istifadə edildikdə mürəkkəb, isti və ədviyyəli bir qoxu yaradır.

Portağal qabığı təravətli sitrus notu verir, mixək qoxuya dərinlik və ədviyyə qatır, darçın isə istilik və rahatlıq hissi yaradır. Bu birləşmə nəticəsində yaranan aroma bahalı niş ətirlərdə rast gəlinən şərq üslublu qoxuları xatırladır.

Bu məqsədlə bir neçə parça qurudulmuş portağal qabığını, bir neçə ədəd mixəyi və kiçik darçın çubuğunu parça torbaya və ya deşikli kiçik qutuya yerləşdirmək kifayətdir. Hazırlanan saşe şkafda saxlanılır və ayda bir dəfə yenilənməsi tövsiyə olunur. Bu üsul sayəsində geyimlər uzun müddət xoş və bahalı qoxu ilə qalır.

Telegramda izləyin