Məktəbdəki hadisədə 2 güllə yarası almışdı - 18 gün sonra ÖLDÜ

Kahramanmaraşda 14 yaşlı İsa Aras Mersinlinin məktəbə hücumu nəticəsində başından iki güllə yarası alan 11 yaşlı Almina Ağaoğlu bu səhər müalicə aldığı xəstəxanada vəfat edib.

Sonxeber.az qafqazinfo-ya istinadən xəbər verir ki, o, 18 gün idi ki, reanimasiyada müalicə alırdı.

Qeyd edək ki, hadisə Kahramanmaraş şəhərində yerləşən Ayser Çalık orta məktəbində baş verib. 14 yaşlı İsa Aras Mersinli atasına məxsus silahla məktəbə daxil olaraq şagird və müəllimlərə atəş açıb.

Hücum nəticəsində riyaziyyat müəllimi Ayla Kara da daxil olmaqla, ümumilikdə 10 nəfər həyatını itirib, bir neçə nəfər isə yaralanıb.

Telegramda izləyin