Ata və oğul arasında bıçaqlı dava: hər ikisi yaralandı - VİDEO

Türkiyənin Nevşehir şəhərində ata ilə oğul arasında baş verən mübahisə qanlı insidentlə nəticələnib.

Sonxeber.az xarici mediaya istinadən xəbər verir ki, olay şəhərin 2000 Evler məhəlləsində qeydə alınıb.

İddialara əsasən, B.B. ilə atası Y.B. arasında yaşadıqları binanın girişində naməlum səbəbdən mübahisə yaranıb. Qısa müddətdə gərginləşən mübahisə davaya çevrilib. Dava zamanı B.B.-nin üzərində olan bıçaqdan istifadə etməsi nəticəsində həm özü, həm də atası yaralanıb.

Hadisə zamanı ağır yaralanan ata Y.B. yerə yıxılıb. Oğlu B.B. isə hadisədən sonra arxasına belə baxmadan ərazidən qaçıb. Şübhəlinin qaçdığı anlar ətrafdakı təhlükəsizlik kameraları tərəfindən qeydə alınıb.

Hadisə yerinə çağırılan təcili tibbi yardım və polis əməkdaşları yaralıya ilkin yardım göstərdikdən sonra onu xəstəxanaya çatdırıblar. Y.B. Nevşehir Dövlət Xəstəxanası yerləşdirilərək müalicə altına alınıb.

Polis əməkdaşları tərəfindən qısa müddətdə saxlanılan B.B.-nin də yaralı olduğu müəyyən edilib və onun şəhərdəki başqa bir xəstəxanada müalicəsinin davam etdirildiyi bildirilib.

Faktla bağlı araşdırmalar davam edir.

Telegramda izləyin