Yəməndə maşınların arasında su deyil, silah satılır - VİDEO

Yəməndə avtomobillərin arasında açıq şəkildə tapança satıldığı görüntülər sosial şəbəkələrdə gündəm olub.

Sonxeber.az xarici mediaya istinadən xəbər verir ki, Yəməndən yayılan görüntülər dünya mediasında geniş rezonans doğurub. Sosial şəbəkələrdə paylaşılan kadrlarda şəxslərin avtomobillərin arasında gəzərək tapançaları nümayiş etdirdiyi və satışa çıxardığı görünür.

Gündəlik həyatın adi bir hissəsinə çevrilən silah ticarəti ölkədəki təhlükəsizlik probleminin miqyasını bir daha ortaya qoyub. Görüntülərin yayılmasından sonra sosial media istifadəçiləri Yəməndə illərdir davam edən müharibə və qarşıdurma mühitinə diqqət çəkiblər.

Bəzi istifadəçilər paylaşımın altında "Silahların hətta yol hərəkəti zamanı belə satıldığı bir ölkədə zorakılığın sona çatması çətindir" kimi şərhlər yazıblar.

Vətəndaş müharibəsi, iqtisadi böhran və silahlı qruplaşmaların təsiri səbəbindən Yəmən uzun müddətdir dünyanın ən qeyri-sabit ölkələrindən biri hesab olunur. Mütəxəssislər bildirirlər ki, silahların bu qədər asan əldə olunması ölkədəki qarşıdurmaları daha da dərinləşdirir.

Telegramda izləyin