"Yoxsulluğun gözü kor olsun" dedizdirən görüntü - VİDEO

Hindistanda fəaliyyət göstərən idman zallarından birində çəkilən görüntülər sosial şəbəkələrdə geniş müzakirələrə səbəb olub.

Sonxeber.az xarici mediaya istinadən xəbər verir ki, kadrlarda eyni anda çox sayda insanın kiçik bir məkanda idman etdiyi görünür. İnsanların demək olar ki, bir-birinə toxunacaq qədər yaxın məşq etməsi sosial mediada təəccüb doğurub.

Görüntülərdə məkanın darlığı səbəbindən insanların rahat hərəkət etməkdə çətinlik çəkdiyi də əks olunub. İdman zalındakı avadanlıqların köhnə və nizamsız vəziyyətdə olması, həmçinin gigiyena şəraitinin zəif görünməsi də müzakirələrə səbəb olub.

Zalın qarışıq görünüşü səbəbindən bəzi anlarda insanların hansı hərəkəti etdiyi belə aydın seçilməyib. Sosial şəbəkə istifadəçiləri görüntülərlə bağlı "Yoxsulluğun gözü kor olsun" kimi şərhlər yazıblar.

Telegramda izləyin