Dövlət məmurunun evini görənlər şok olur - VİDEO

Türkiyənin Eskişehir şəhərində Tepebaşı Belediyesi ilə bağlı həyata keçirilən əməliyyat çərçivəsində 60 şübhəli barəsində araşdırma başladılıb, onlardan 23-ü saxlanılıb.

Sonxeber.az xarici mediaya istinadən xəbər verir ki, əməliyyat zamanı saxlanılan şəxslər arasında dövlət məmuru da olub. Onun lüks villasının həyətində torpağın altında gizlədilmiş otağın aşkarlanması diqqət çəkib. Həmin ünvandan, həmçinin gömrükdən qanunsuz yollarla gətirildiyi bildirilən 9 ədəd kriptovalyuta "mining" cihazı müsadirə edilib.

Eskişehir Cumhuriyet Başsavcılığı tərəfindən verilən açıqlamada bildirilib ki, istintaq qaçaqmalçılıq və mütəşəkkil cinayətlərlə mübarizə bürosunun koordinasiyası ilə daxil olan şikayət və məlumatlar əsasında başladılıb.

Məlumata görə, araşdırma aşağıdakı ittihamlar üzrə davam etdirilir:

* təkrar formada törədilən xüsusilə külli miqdarda mənimsəmə,
* sənədlərin saxtalaşdırılması,
* Vergi Prosessual Qanununun pozulması,
* cinayət yolu ilə əldə edilən əmlakın leqallaşdırılması,
* vəzifə səlahiyyətlərindən sui-istifadə.

Hadisə ilə bağlı istintaq tədbirləri davam edir.

Telegramda izləyin