Madyar gələn həftə Brüsselə səfər edəcək

Macarıstanın Baş naziri Peter Madyar gələn həftə Brüsselə (Belçika) səfər edəcək.

"Report" xəbər verir ki, bunu ölkənin XİN başçısı Anita Orban "Politico"ya müsahibəsində bildirib.

Onun sözlərinə görə, Madyar Brüsseldə Avropa Komissiyası ilə dondurulmuş vəsaitlərin blokdan çıxarılması məsələsini müzakirə edəcək.

"İlk bir neçə ayda ən mühüm vəzifələrimizdən biri Macarıstan üçün 10,4 milyard avro təşkil edən bərpa və dayanıqlılıq fondlarına çıxış əldə etməkdir. Və bəli, mən təsdiq edə bilərəm ki, gələn həftə Brüsseldə görüş planlaşdırılıb", - o deyib.

Orban qeyd edib ki, son günlər ərzində ekspert səviyyəsində Brüssellə dondurulmuş vəsaitlə bağlı artıq bir neçə gün danışıqlar aparılıb. Macarıstan bu vəsaitlərə çıxış əldə etmək üçün zəruri olan islahatlar üzərində artıq işləyir.

Telegramda izləyin