Məscidi təmziləyən şəxsə hücum edib döydülər - VİDEO

İstanbulun Bahçelievler rayonunda yerləşən Siyavuşpaşa Merkez məscidində xoşagəlməz hadisə baş verib.

Sonxeber.az xarici mediaya istinadla xəbər verir ki, məsciddə təmizlik işləri aparan imam-xətib Selami Beyaztaş naməlum şəxsin hücumuna məruz qalıb.

Məlumata görə, Qurban bayramı ərəfəsində məscidi təmizləyən imamın yanına kimliyi hələ müəyyənləşdirilməyən bir şəxs gəlib. Tərəflər arasında başlayan mübahisə qısa müddət sonra davaya çevrilib. Şəxs imam Selami Beyaztaşa yumruqlarla hücum edib.

Hadisə zamanı imamı dəfələrlə vuran hücumçu daha sonra ərazidən qaçıb. Yaralanan imam xəstəxanaya aparılıb, tibbi yardım aldıqdan sonra polisə müraciət edərək hücum edən şəxsdən şikayətçi olub.

Baş verən hadisə məscidin təhlükəsizlik kameraları tərəfindən də qeydə alınıb. Hadisə ilə bağlı araşdırma aparılır.

Telegramda izləyin