Bağırsaq sağlamlığı üçün nə yemək lazımdır? - Ən faydalı 5 məhsul

Bağırsaqların vəziyyəti təkcə həzmə deyil, həm də immunitetə, metabolizmə və ümumi sağlamlığa birbaşa təsir göstərir. Mikrobiota balansını qorumağa probiotiklərlə zəngin qidalar kömək edir. Mütəxəssislər bağırsaq sağlamlığı üçün xüsusilə faydalı olan 5 probiotik məhsulu açıqlayıb.

Qaynarinfo xəbər verir ki, bu barədə "Health" yazır.

1. Kefir

Siyahıda birinci yeri kefir tutur. O, çoxlu faydalı bakteriyalar və mayaları ehtiva edir. Araşdırmalara görə, kefir zülal, kalsium və D vitamini ilə də zəngindir. Aşağı laktoza tərkibinə görə laktoza dözümsüzlüyü olan insanlar üçün də daha uyğun hesab edilir.

2. Kimçi

İkinci məhsul fermentləşdirilmiş tərəvəzlərdən hazırlanan Koreya yeməyi kimçidir. Tərkibinə kələm, turp, xiyar və soğan daxildir. Araşdırmalar göstərir ki, kimçi bağırsaqdakı zərərli bakteriyaları azaldır, həmçinin qan şəkəri və xolesterin səviyyəsinə müsbət təsir edir.

3. Kombuça

Siyahıya fermentləşdirilmiş çay içkisi olan kombuça da daxildir. O, probiotiklər, antioksidantlar və vitaminlərlə zəngindir. Lakin mütəxəssislər hamilə qadınlara və immun sistemi zəif olan şəxslərə həkimlə məsləhətləşmədən istifadə etməməyi tövsiyə edir.

4. Turş kələm

Faydalı məhsullardan biri də turş kələmdir. O, laktik turşu bakteriyaları və bağırsağın normal fəaliyyəti üçün vacib olan liflə zəngindir. Mütəxəssislər onu təkcə fast food yeməklərinə deyil, salat və digər yeməklərə də əlavə etməyi tövsiyə edirlər.

Araşdırmalara görə, turş kələm fermentasiya prosesi boyunca faydalı bakteriyaların böyük hissəsini qoruyur.

5. Yoğurt

Siyahını yoğurt tamamlayır. Xüsusilə yunan yoğurtu və skyr daha faydalı sayılır, çünki onlar yüksək miqdarda zülal, kalsium və canlı aktiv bakteriyalar ehtiva edir.

Telegramda izləyin