Qiymət mübahisəsi davaya çevrildi: Dərzinin qızına hücum anı kameraya düşdü - VİDEO

Türkiyənin Bolu şəhərində dərzi sexində yaşanan mübahisə fiziki qarşıdurma ilə nəticələnib. Hadisə təhlükəsizlik kamerası tərəfindən qeydə alınıb.

Sonxeber.az türk mediasına istinadən xəbər verir ki, məlumata görə, şalvarının balağını düzəltdirən qadın xidmət haqqı olaraq tələb olunan 250 lirə əvəzinə 100 lirə ödəmək istəyib. Bu səbəbdən müştəri ilə dərzi arasında mübahisə yaranıb.

Gərginləşən mübahisə zamanı qadının dərzinin qızına fiziki hücum etdiyi bildirilir. Hadisə anı obyektin təhlükəsizlik kameralarına əks olunub.

Məlumat daxil olduqdan sonra hüquq-mühafizə orqanları hadisə ilə bağlı araşdırmalara başlayıb. Tərəflərin ifadələrinin alındığı və insidentin bütün təfərrüatlarının araşdırıldığı qeyd edilir.

Hadisənin görüntüləri qısa müddətdə sosial şəbəkələrdə yayılaraq geniş müzakirələrə səbəb olub.

Telegramda izləyin