Prokurorla avtobus sürücüsü arasında yol mübahisəsi: araşdırma başladıldı - VİDEO

Türkiyənin Sakarya vilayətində Respublika Prokuroru ilə mikroavtobus sürücüsü arasında baş verən yol mübahisəsi avtomobil kamerası tərəfindən qeydə alınıb.

Sonxeber.az xarici mediaya istinadla xəbər verir ki, hadisə Adapazarı rayonunun Karaman məhəlləsində baş verib. Məlumata görə, mikroavtobus sürücüsü S.K. ilə avtomobilin sürücüsü B.Y.Ç. arasında hərəkət zamanı mübahisə yaranıb. Mübahisənin görüntüləri mikroavtobusun kamerasına düşüb.

Daha sonra avtomobil sürücüsünün Sakarya Ədliyyəsində çalışan Respublika Prokuroru olduğu müəyyən edilib. Hadisə ilə bağlı Sakarya Respublika Baş Prokurorluğu tərəfindən araşdırma başladılıb.

Bildirilib ki, prokuror barəsində nəqliyyat vasitələrinin hərəkətinə mane olma, yüngül xəsarət yetirmə və təhqir maddələri ilə, mikroavtobus sürücüsü barəsində isə müvafiq qaydada istintaq tədbirləri həyata keçirilir.

Telegramda izləyin