Balkonda yandırılan manqal binada gərginlik yaratdı - VİDEO

Türkiyənin Bursa şəhərində bir ailənin yaşadığı mənzilin eyvanında manqal yandırması bina sakinləri arasında narazılığa səbəb olub.

Sonxeber.az türk mediasına istinadən xəbər verir ki, manqaldan çıxan sıx tüstü qısa müddətdə bütün binaya yayıldığından sakinlər eyvanlara çıxaraq etirazlarını bildiriblər. Qonşular arasında qarşılıqlı iradlar səslənib, nəticədə qısa müddətli gərginlik yaşanıb.

Hadisə zamanı yaranan mübahisə ətrafdakılar tərəfindən mobil telefon vasitəsilə lentə alınıb. Sosial şəbəkələrdə yayılan görüntülər geniş müzakirələrə səbəb olub.

Videonu izləyən bir çox istifadəçi mənzil binalarında belə davranışların qonşuların rahatlığını pozduğunu qeyd edərək, "Mədəniyyət həqiqətən başqa məsələdir" kimi şərhlər paylaşıb.

Hadisə ilə bağlı hər hansı rəsmi müdaxilə və ya inzibati tədbir barədə məlumat verilməyib.

Telegramda izləyin