"Çiyələk, "Bal" və "Lotus"... - Onu fərqli edən nədir?

Bu axşam Avropa səmasında iyunun dolunayı-"Çiyələk Ay" müşahidə olunub.

"Qafqazinfo" xəbər verir ki, adına baxmayaraq, o, çiyələk rəngdə olmayıb.

Əksinə, üfüqə yaxın olduğu üçün qızılı və narıncı çalarlara bürünüb.

Bu adın kökü Şimali Amerikanın Algonkin və digər yerli xalqlarının ənənələrinə gedib çıxır.

Onlar iyun ayının tam Ayını yabanı çiyələklərin yetişmə mövsümünün başlanğıcı kimi qəbul edirdilər.

Müxtəlif xalqlar iyun ayının tam Ayını fərqli adlarla tanıyıblar. Məsələn, kri tayfaları "Yarpaqların açıldığı Ay", Çin ənənəsində "Lotus Ayı" adlandırılırdı.

Avropada isə iyun ayının tam Ayı bal yığımı mövsümü ilə əlaqələndirilərək "Bal Ayı" kimi tanınırdı.

2026-cı ilin "Çiyələk Ayı" eyni zamanda "mikro Ay" da sayılır.

Bu, Ayın Yer orbitində ən uzaq nöqtələrdən birinə yaxın olduğu vaxta təsadüf etməsi ilə bağlıdır.

Şimal yarımkürəsində iyun tam Ayı yay gündönümünə yaxın baş verdiyi üçün səmada ilin ən alçaq trayektoriyalarından biri ilə hərəkət edir.

Cənub yarımkürəsində isə əksinə, bu, ilin ən yüksək görünən tam Aylarından biri olub.

Telegramda izləyin