Dünyada ağcaqanad xəstəliyi yayılır - Ölümcüldür
Avropanın bir sıra məşhur turizm ölkələrində ağcaqanadların yaydığı təhlükəli viruslara yoluxma halları artır. Həkimlər xəbərdarlıq edirlər ki, bu infeksiyalardan bəziləri sinir sistemini zədələyə, iflicə, beyin iltihabına və hətta ölümə səbəb ola bilər.
Lent.az xarici mediaya istinadla xəbər verir ki, ən riskli ölkələr sırasında İtaliya, Fransa, İspaniya, Portuqaliya, Yunanıstan, Rumıniya və Şimali Makedoniya yer alır.
Mütəxəssislər bildirirlər ki, son vaxtlar müşahidə olunan anomal isti hava ağcaqanadların sürətlə çoxalması üçün əlverişli şərait yaradıb.
Hansı viruslar təhlükə yaradır?
Həkimlərin sözlərinə görə, hazırda ən çox narahatlıq doğuran infeksiyalar bunlardır: Qərbi Nil virusu, denge qızdırması, çikunqunya qızdırması.
Əksər yoluxanlarda xəstəlik yüngül keçir və ya heç bir əlamət vermir. Lakin bəzi hallarda meningit, ensefalit, beyin zədələnməsi, güclü oynaq ağrıları, görmə pozğunluğu, iflic və ölüm kimi ağır fəsadlar yarana bilər.
Xüsusilə qərbi nil virusu ilə bağlı vəziyyət narahatlıq doğurur. Avropa mətbuatının məlumatına görə, təkcə İtaliyada bu mövsüm virus səbəbindən artıq onlarla ölüm halı qeydə alınıb.
İqlim dəyişikliyi riski artırır
Barselonada fəaliyyət göstərən professor Reyçel Lou bildirib ki, iqlim dəyişikliyi nəticəsində yaranan qlobal istiləşmə xəstəlik daşıyan ağcaqanadların yeni ərazilərə yayılmasına şərait yaradır.
Onun sözlərinə görə, malyariya, denge və digər infeksiyaları yayan həşəratlar əvvəllər rast gəlinməyən bölgələrdə də məskunlaşa bilir. Bu isə həmin ərazilərdə yaşayan insanların immunitetinin olmaması və səhiyyə sisteminin belə hallara tam hazır olmaması səbəbindən riski daha da artırır.
Professor hesab edir ki, yay mövsümünün daha uzun və isti keçməsi gələcək illərdə bu virusların daha geniş yayılmasına səbəb olacaq.
Turistlər necə qoruna bilər?
Həkimlər yay tətilinə gedənlərə ağcaqanad sancmalarından maksimum qorunmağı tövsiyə edirlər.
Bunun üçün repelentlərdən istifadə etmək, axşam saatlarında uzunqollu geyimlər geyinmək, pəncərə və qapılarda ağcaqanad torlarından istifadə etmək, həmçinin durğun su olan ərazilərdən uzaq durmaq məsləhət görülür.
Mütəxəssislər bildirirlər ki, istirahətdən qayıtdıqdan sonra yüksək hərarət, güclü baş ağrısı, dəri səpgisi və ya oynaq ağrıları yaranarsa, vaxt itirmədən həkimə müraciət etmək lazımdır. Erkən diaqnoz ağır fəsadların qarşısını almaqda mühüm rol oynayır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Qətlə yetirilən Gülarənin atası danışdı - "Ayxan 2 ay idi gecələr yatmırdı"
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Vətəndaşlara aşağı faizli kredit imkanı: Hansı şərtlər tələb olunur?
Elton qızına toy edir
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Vəkil Orxan Kəngərli həbs edildi
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Özünüməşğulluq avadanlığını satan vətəndaşları hansı məsuliyyət gözləyir? - VƏKİLDƏN AÇIQLAMA
Avropa ölkələri Ukraynada mümkün sülhməramlı missiyaya hazırlaşır
Rusiya Ukraynaya hücumlarını gücləndirdi - Xarici səfirliklər də zərər gördü