Qonşusunu "həyat yoldaşıma göz vurdu" iddiası ilə güllələyərək öldürdü

Türkiyənin Bursa vilayətinin Mustafakemalpaşa rayonunda qonşular arasında baş verən mübahisə qətllə nəticələnib. Həyat yoldaşına göz vuraraq sözlə sataşdığını iddia etdiyi qonşusunu silahla güllələyən şəxs saxlanılıb.

Sonxeber.az xəbər verir ki, hadisə iyulun 12-də səhər saat 05:00 radələrində Yenidere məhəlləsinin Burmalı küçəsində baş verib.

Məlumata görə, 41 yaşlı Yetiş Gönültaş qonşusu Y.D.-nin evinə gedib. Bir müddət sonra digər qonşu, 32 yaşlı Süleyman Köroğlu da həmin ünvana gəlib.

İddiaya əsasən, Köroğlu həyat yoldaşına daha əvvəl göz vuraraq sözlə sataşdığını irəli sürdüyü Gönültaşla mübahisə edib və ona tapançadan üç dəfə atəş açıb.
Hadisədən sonra şübhəli ərazidən qaçıb. Məlumat əsasında hadisə yerinə gələn təcili tibbi yardım əməkdaşları Yetiş Gönültaşın hadisə yerində həyatını itirdiyini müəyyən ediblər. Meyit prokurorluğun baxışından sonra məhkəmə-tibbi ekspertizası üçün Bursa Məhkəmə Tibb Qurumuna göndərilib.

Qaçan Süleyman Köroğlu polis əməkdaşları tərəfindən cinayətdə istifadə edilən tapança ilə birlikdə saxlanılıb. Məhkəməyə çıxarılan şübhəli barəsində həbs qətimkan tədbiri seçilib.
Bildirilib ki, Süleyman Köroğlunun əvvəllər narkotik vasitələrdən istifadə ilə bağlı da cinayət qeydiyyatı olub.

Telegramda izləyin