Evdən gələn pis qoxu faciəni üzə çıxardı: Bacısının meyiti ilə günlərlə eyni evdə yaşayıb

Türkiyənin Samsun şəhərində yaşayış binasından yayılan kəskin qoxu dəhşətli hadisəni üzə çıxarıb. Atakum rayonunda qonşuların müraciətindən sonra mənzilə daxil olan polis və təcili tibbi yardım əməkdaşları 60 yaşlı Mualla Boyerinin meyitini aşkarlayıblar.

Sonxeber.az xarici mediaya istinadla xəbər verir ki, ilkin araşdırma zamanı qadının təxminən bir həftə əvvəl vəfat etdiyi müəyyən edilib. Məlum olub ki, onun əqli məhdudiyyətli bacısı Süheyla B. baş verənlərdən xəbərsiz şəkildə günlərlə bacısının meyiti ilə eyni evdə yaşamağa davam edib.

Hadisə yerinə gələn prokurorun baxışından sonra meyit ölüm səbəbinin dəqiq müəyyənləşdirilməsi üçün Samsun Məhkəmə Tibbi Ekspertiza Qurumuna göndərilib.

Əqli məhdudiyyətli qadın mühafizəyə götürülüb, hadisənin başvermə səbəbləri ilə bağlı araşdırma davam etdirilir.

Telegramda izləyin