Türkiyədə vaxtilə 20 min nəfərin yaşaya bildiyi gizli yeraltı şəhər necə inşa edilib?

Türkiyədə vaxtilə 20 min nəfərin yaşaya bildiyi gizli yeraltı şəhər necə inşa edilib?Kapadokiyadakı Derinkuyu yeraltı şəhəri insan zəkasının yerin altında yaratdığı nəhəng bir "kölgə səltənəti"ni xatırladır. Qaranlığın dərinliklərinə oyulmuş dəhlizlər, havalandırma şaxtaları və iri daş qapılar bu gün də öz incə mühəndislik həlli ilə dünyanın diqqətini cəlb edir.

Qayanrinfo xəbər verir ki, Türkiyənin "pəri bacaları" ilə məşhur olan Kapadokiya bölgəsi təkcə yerüstü təbii gözəllikləri ilə deyil, həm də yeraltında gizlənən zəngin mədəni irsi ilə seçilir. Bölgədə eramızın V əsrində salındığı ehtimal olunan onlarla yeraltı şəhəri mövcuddur.

İHA agentliyinin hazırladığı icmala əsasən, Kapadokiyadakı yeraltı şəhərləri təxminən 20 milyon il əvvəl Ərciyəs, Hasan və Göllü dağlarının püskürtdüyü lavların yaratdığı iri tuf qatlarının oyulması nəticəsində meydana gəlib. Bu tarixi tikililər bu gün yerli və xarici turistlərin böyük marağına səbəb olur.

Məlumata görə, eramızın V əsrindən etibarən Kapadokiyaya gələn ilk xristianlar çoxallahlı dinə mənsub insanların hücumlarından qorunmaq məqsədilə bu yeraltı şəhərlərini yaradıb. İlk dövrlərdə sığınacaq kimi istifadə edilən bu məkanlar sonralar daimi yaşayış mərkəzinə çevrilib.

Yerin 40-70 metr dərinliyinə qədər memarlıq qaydalarına uyğun şəkildə oyulmuş şəhərlərdə havalandırma şaxtaları, su anbarları, hücumların qarşısını almaq üçün qalın daş sürgülü qapılar, ərzaq anbarları, yataq otaqları, şərab zirzəmiləri, heyvan tövlələri, kilsələr və məktəb otaqları yerləşir.

Bu şəhərlərdən biri də müxtəlif dövrlərdə "bunu bəlkə də yadplanetlilər inşa edib" kimi iddialarla gündəmə gələn Derinkuyudur. Bölgənin qeyri-adi memarlıq xüsusiyyətləri uzun illər müxtəlif şayiələrin və sui-qəsd nəzəriyyələrinin yaranmasına səbəb olub.

İsveçrəli mübahisəli yazıçı Erix fon Deniken hətta bu yeraltı şəhərlərinin yadplanetlilər tərəfindən tikildiyini iddia etmişdi.

Türkiyə Mədəniyyət və Turizm Nazirliyinin "Muze.gov.tr" portalında Derinkuyu barədə bildirilir ki, yeraltı şəhəri Nevşehir-Niğdə avtomobil yolu üzərində, Nevşehirdən 30 kilometr məsafədə yerləşən Derinkuyu rayonundadır.

Kapadokiyanın geoloji quruluşu sayəsində inşa edilən səkkizmərtəbəli Derinkuyu yeraltı şəhəri böyük insan icmasını qəbul edə və onların bütün ehtiyaclarını qarşılaya biləcək otaqlardan ibarətdir. Bölgədə yerləşən digər məşhur yeraltı şəhəri "Kaymaklı"dan fərqli olaraq burada missioner məktəbi, etiraf otağı, xaç suyuna salma hovuzu və maraqlı bir quyu da mövcuddur.

Derinkuyunun ilk sakinlərinin tarixi Assuriya koloniyaları dövrünə qədər gedib çıxır. II əsrdə Roma imperiyasının təqiblərindən qaçan ilk xristianlar Antakya və Kayseri üzərindən Kapadokiyaya gələrək burada məskunlaşıblar.

Şəhərin girişləri diqqət çəkməyəcək şəkildə layihələndirildiyindən burada gizlənən insanlar Roma əsgərlərinin təqiblərindən xilas ola biliblər. Uzun müddət yerin altında yaşamaq məcburiyyətində qaldıqları üçün onlar ərzaq anbarları, havalandırma şaxtaları, şərab istehsalı otaqları, kilsələr, monastırlar, su quyuları, tualetlər və toplantı zalları inşa ediblər.

Bir-birinə bağlı otaqlardan ibarət olan şəhərdə bəzi hissələr yalnız bir nəfərin keçə biləcəyi dar tunellərlə əlaqələndirilib. Tunellərin giriş və çıxışlarında təhlükə zamanı yolu bağlamaq üçün iri daş silindrlər yerləşdirilib.

BBC 2022-ci ildə Derinkuyu haqqında hazırladığı reportajda yazırdı ki, Kapadokiyanın məşhur pəri bacalarının təxminən 85 metr altında min illər boyu demək olar ki, fasiləsiz istifadə edilən nəhəng yeraltı şəhəri yerləşir.

Məqalədə qeyd olunurdu ki, təxminən 20 min nəfərin aylarla gizlənə bildiyi bu şəhər dünyanın ən böyük qazılmış yeraltı yaşayış məskənidir və tarix boyu Friqlərdən Perslərə, daha sonra Bizans dövrünün xristianlarına qədər müxtəlif sivilizasiyalar tərəfindən istifadə olunub.

BBC-nin məlumatına görə, 1920-ci illərdə Kapadokiyadakı yunanların əhali mübadiləsi nəticəsində bölgəni tərk etməsindən sonra şəhər tamamilə unudulub və yalnız 1963-cü ildə təsadüf nəticəsində yenidən aşkar edilib.

Məqalədə bildirilir ki, mağaraya bənzər otaqlar kilometrlərlə uzanmaqla yanaşı, bölgədə aşkarlanan 200-dən çox kiçik yeraltı şəhərinin də tunellərlə bu kompleksə bağlanaraq nəhəng yeraltı şəbəkə yaratmış ola biləcəyi ehtimal edilir.

Yazının müəllifi qeyd edir ki, bələdçisinin sözlərinə görə, Derinkuyu 1963-cü ildə toyuqları müəmmalı şəkildə yoxa çıxan bir ev sahibi tərəfindən yenidən kəşf olunub. Evini təmir edərkən yaranan kiçik yarıqdan keçən adam gizli dəhlizə çıxıb. Bu, sonradan məlum olduğu kimi, yeraltı şəhərinə aparan 600-dən çox girişdən biri olub.

Florida Dövlət Universitetinin klassik tədqiqatlar üzrə mütəxəssisi Andrea DeCorci bildirir ki, Kapadokiyanın yumşaq tuf süxurları sadə alətlərlə asanlıqla oyulduğu üçün belə tikililər üçün olduqca əlverişli idi. Bölgənin simvoluna çevrilmiş pəri bacaları da məhz bu geoloji quruluş sayəsində formalaşıb.

Şəhərin dəqiq nə vaxt inşa edildiyi hələ də mübahisə mövzusudur. E.ə. 370-ci illərdə Afinalı Ksenofonun yazdığı "Anabasis" əsəri Derinkuyuya aid olduğu düşünülən ən qədim yazılı mənbə hesab edilir.

Yeraltı şəhərini ilk kimin inşa etdiyi dəqiq məlum deyil. Aralıq dənizi mağaraları üzrə mütəxəssis A. Buççinin araşdırmasına görə, ilkin qatların e.ə. 1200-cü illərdə Hetlər tərəfindən qazıldığı ehtimal olunur. Burada Het dövrünə aid tapıntıların aşkarlanması bu versiyanı gücləndirir.

Bununla yanaşı, şəhərin böyük hissəsinin dəmir dövrünün bacarıqlı memarları olan Friqlər tərəfindən genişləndirildiyi hesab olunur. Andrea DeCorci qeyd edir ki, Friqlər Qərbi və Mərkəzi Anadolunun böyük hissəsinə hakim olmuş və qayalara oyulmuş monumental tikililəri ilə tanınmışdılar.

Əvvəlcə əsasən ərzaq saxlanılması üçün istifadə edilən Derinkuyu sonralar işğallar zamanı sığınacaq funksiyası daşıyıb.

Friqlər, Perslər və Səlcuqlular daxil olmaqla müxtəlif dövlətlər şəhəri genişləndirsələr də, onun ən yüksək əhali sayı Bizans dövrünə təsadüf edib. Həmin dövrdə burada təxminən 20 min nəfər yaşayırdı.

Şəhərin dar və alçaq dəhlizləri müdafiə məqsədilə xüsusi şəkildə layihələndirilib. Ziyarətçilər yalnız tək sıra ilə və əyilərək hərəkət edə bilirdilər. Təxminən yarım ton çəkisi olan dairəvi daş qapılar isə yalnız içəridən açılırdı. Bu qapılardakı kiçik dəliklər müdafiəçilərə hücum edənlərə nizə atmaq imkanı verirdi.

Heyvanlar qoxu və zərərli qazların yaşayış sahəsinə yayılmaması üçün səthə yaxın tövlələrdə saxlanılırdı. Daxili mərtəbələrdə yaşayış otaqları, zirzəmilər, məktəblər və toplantı zalları yerləşirdi. İkinci mərtəbədə Bizans missioner məktəbi fəaliyyət göstərirdi.

Şəhərin ən diqqətçəkən xüsusiyyəti isə mürəkkəb havalandırma sistemi və su quyuları hesab olunur. Kompleksdə təbii hava dövranını təmin edən 50-dən çox havalandırma şaxtası var. Təxminən 55 metr dərinliyindəki quyu həm də su mənbəyi kimi istifadə olunurdu.

Nazirliyin məlumatına görə, yer səthi ilə əlaqəsi olan bu havalandırma şaxtası eyni zamanda su quyusu funksiyasını yerinə yetirib. Bəzi quyular isə mühasirə zamanı zəhərlənmənin qarşısını almaq məqsədilə yer səthi ilə birbaşa əlaqələndirilməyib. 1965-ci ildə ziyarətçilər üçün açılan Derinkuyu yeraltı şəhərinin hazırda yalnız 10 faizi gəzmək üçün əlçatandır.

Derinkuyu Kapadokiyadakı yeganə yeraltı şəhəri deyil. Təxminən 445 kvadratkilometr əraziyə yayılan bölgədə 200-dən çox yeraltı şəhəri müəyyən edilib. Onların 40-dan çoxu üç və ya daha artıq mərtəbədən ibarətdir.

Bu şəhərlərin bir çoxu uzunluğu 9 kilometrə çatan tunellərlə bir-birinə bağlanır və fövqəladə vəziyyətlər üçün ayrıca qaçış yollarına malikdir. 2014-cü ildə isə Nevşehir şəhərinin altında daha böyük ola biləcək yeni yeraltı şəhər də aşkar edilib.

BBC məqaləsini belə yekunlaşdırır: "Derinkuyunun yaşayış tarixi 1923-cü ildə Kapadokiya yunanlarının bölgəni tərk etməsi ilə başa çatdı. Yarandığı ehtimal olunan vaxtdan iki min ildən artıq müddət sonra şəhər sonuncu dəfə boşaldıldı. Müasir dünya isə onu yalnız təsadüfən itib-batan toyuqlar sayəsində yenidən kəşf etdi. 2019-cu ildə isə Nevşehirin Derinkuyu rayonunda xarabalıq vəziyyətində olan bir evin altında yeni yeraltı şəhəri aşkar edilmişdi. Araşdırmalar nəticəsində bu kompleksin rayonun əsas küçə və prospektlərinin altına qədər uzanan tunellərlə əlaqəli olduğu müəyyən edilmişdi".


Sonxeber.az
Telegramda izləyin
Dünyada   Baxılıb: 756   Tarix: 14 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Fransa Ukraynaya 2 qırıcı verəcək

Fransa Ukraynaya hərbi dəstək çərçivəsində bu ölkəyə 2 ədəd "Mirage 200-5F" tipli qırıcı təyyarə tədarük edəcək. "Yeni Sabah" xəbər verir ki, rəsmi Parisin bu addımı Ukrayna Silahlı Qüvvələrinin hava məkanını müdafiə etmək qabiliyyətinin artırılması və cəbhə xəttində hava üstünlüyünü

19 noyabr
.

"GTA 6" tarixin ən böyük açılışına imza atdı: İlk gündə ilin rekord vuran filminə çatdı

13 ildən sonra təqdim edilən "Grand Theft Auto 6" (GTA 6) əyləncə sənayesi tarixinin ən böyük açılışına imza atıb. xəbər verir ki, oyun elə ilk gündə 24,5 milyondan çox nüsxə satılaraq təxminən 2,36 milyard dollar gəlir gətirib. Bu barədə "Sensor Tower" analitik platforması məluma

20 noyabr
.

Si Cinpin ABŞ və Rusiyanı qlobal çağırışlara qarşı birgə mübarizəyə çağırıb

Çin, Rusiya və ABŞ tarixdən dərs çıxarmalı və qlobal çağırışlara qarşı birgə mübarizə aparmalıdırlar. xəbər verir ki, bunu Çin Sədri Si Cinpin APEC sammitində ABŞ və Rusiya liderləri Donald Tramp və Vladimir Putinlə üçtərəfli görüşündə bildirib. O vurğulayıb ki, böyük dövlətlər dünyada sülhün və sabitliyi

19 noyabr
.

Orta Dəhlizin tam gücü ilə işləməsi üçün 18,5 milyard avro investisiya tələb olunacaq

Avropa İttifaqı (Aİ) Mərkəzi Asiya istiqamətində alternativ logistika marşrutlarına və emal güclərinə olan tələbatı fəal şəkildə artırır, lakin Orta Dəhlizin tam işə salınması üçün 18,5 milyard avro məbləğində kapital qoyuluşu tələb olunacaq. Bu barədə "Report" "UkrAgroConsult" analiti

21 noyabr
.

Estoniya dekabrdan Rusiya ilə sərhədini bağlayır

Estoniya hökuməti dekabrın 1-dən Rusiya ilə sərhəddəki avtomobil keçid məntəqələrinin fəaliyyətini dayandırmaq qərarına gəlib. xəbər verir ki, bu barədə Baltikyanı ölkənin Baş naziri Kristen Mixal mətbuat konfransında bildirib. Onun sözlərinə görə, Estoniya ilə Rusiya arasında avtomobil nəqliyyatı il

20 noyabr
.

Gürcüstanda matəm elan edildi

Tbilisidə ötən gün yaşayış binasında partlayış nəticəsində 6 nəfərin həlak olması ilə bağlı noyabrın 22-si Gürcüstanda matəm elan edilib. "Qafqazinfo" xəbər verir ki, bu barədə Gürcüstan hökuməti qərar qəbul edib. Qərara əsasən, həmin gün ölkə boyu Gürcüstanın dövlət bayraqları yarıya endiriləcək

20 noyabr
.

Rusiya Ukraynaya hücumlarını gücləndirdi - Xarici səfirliklər də zərər gördü

Rusiya-Ukrayna müharibəsində gərginlik daha da artıb. Rusiya ordusu Ukraynaya qarşı genişmiqyaslı raket və pilotsuz uçuş aparatı hücumu həyata keçirib. Hücumun əsas hədəflərindən biri paytaxt Kiyev olub. Rusiya ballistik və qanadlı raketlərdən, eləcə də reaktiv mühərrikli dronlardan istifadə edib. Kiye

20 noyabr
.

ABŞ-ın İrana qarşı hərbi əməliyyatlarının xərci 48,3 milyard dolları ötüb

ABŞ-ın İrana qarşı həyata keçirdiyi hərbi əməliyyatlara çəkdiyi xərclər 48,3 milyard dollara çatıb. xəbər verir ki, bu barədə Pentaqonun maliyyə məsələləri üzrə nümayəndəsi Artur Miller açıqlama verib. Onun sözlərinə görə, noyabrın 13-nə olan məlumata əsasən, fevralın sonunda başlayan münaqişə ilə bağl

20 noyabr
.

Paşinyan Anna Akopyanla bir yerdə yaşayır? - CAVAB

Ermənistanın baş naziri Nikol Paşinyan həyat yoldaşı Anna Akopyanın Yerevan meri və paytaxtın problemləri ilə bağlı tənqidinə münasibət bildirib. -ın Ermənistan mediasına istinadən xəbərinə görə, noyabrın 19-da keçirilən brifinqdə Paşinyan tənqidi necə qəbul etməsi ilə bağlı suala cavab olaraq bildiri

19 noyabr