Autizmli 5 yaşlı uşağa qarşı zorakılıqda ittiham olunan müəllimin həbsi davam etdirildi - VİDEO

Türkiyənin Mersin şəhərində autizmli 5 yaşlı K.Y.-yə zorakılıq etməkdə ittiham olunan və həbsdə mühakimə edilən müəllim S.P.C. məhkəmədə təqsirini qəbul etməyərək azadlığa buraxılmasını istəyib.

Bu barədə Sonxeber.az xarici mediaya istinadla xəbər verir.

Müəllim bildirib ki, peşə fəaliyyəti ərzində heç vaxt heç kimə qəsdən zərər verməyib və ilk dəfə belə bir halla üzləşir.

Uşağın anası isə oğlunun uzun müddətdir psixoloji travma yaşadığını deyərək müəllimin ən ağır cəza almasını tələb edib. O, övladının boynundakı cızıqları gördükdən sonra zorakılığa məruz qaldığına əmin olduğunu bildirib. Ata da məhkəmədən müəllimin cəzalandırılmasını istəyib.

Hakim təhlükəsizlik kameralarının görüntüləri ilə bağlı ekspertiza rəyinin hələ hazır olmadığını nəzərə alaraq, təqsirləndirilən şəxsin həbsdə saxlanılması barədə qərarı qüvvədə saxlayıb və məhkəmə iclasını təxirə salıb.

Telegramda izləyin