Evə girən nəhəng çəyirtkənin su içməsi diqqət çəkdi - VİDEO

Balkanlar üzərindən Türkiyəyə daxil olan nəhəng çəyirtkələrin yaratdığı maraq və narahatlıq davam edir. Xüsusilə İstanbulda son günlər ev və iş yerlərində görünən iri ölçülü çəyirtkələr sakinlər arasında təəccüb və təşvişə səbəb olur.

Sonxeber.az türk mediasına istinadən xəbər verir ki, sosial şəbəkələrdə paylaşılan görüntülərə daha biri əlavə edilib. Belə ki, evlərdən birinə daxil olan nəhəng çəyirtkənin su qabından uzun müddət su içdiyi anlar mobil telefon kamerası ilə qeydə alınıb.

Qeyri-adi görüntülər qısa zamanda sosial şəbəkələrdə geniş yayılıb və istifadəçilər arasında maraqla qarşılanıb. Mütəxəssislər bildirirlər ki, isti hava şəraiti və susuzluq səbəbindən həşəratlar yaşayış məntəqələrinə yaxınlaşaraq su mənbələri axtara bilirlər.

Telegramda izləyin