Jeffrey Epsteinə bənzəyən şəxsin görüntüləri sosial şəbəkələri silkələdi - VİDEO

2019-cu ildə həbsdə ölən, azyaşlılara qarşı cinsi istismar ittihamları ilə gündəmə gələn amerikalı maliyyəçi Jeffrey Epsteinə olduqca bənzəyən bir şəxsin görüntüləri sosial şəbəkələrdə geniş müzakirələrə səbəb olub.

Sonxeber.az türk mediasına istinadən xəbər verir ki, yayılan videoda üstüaçıq avtomobillə hərəkət edən şəxsə qonşu avtomobildə olanlar əvvəlcə "Jeffrey" deyə səslənirlər. Şəxs səsi eşidərək geri çevrilir. Ardınca "Epstein" adı çəkildikdə isə onun təşvişə düşdüyü, qəfil sürəti artıraraq hadisə yerindən uzaqlaşdığı görünür.

Görüntülər qısa müddətdə sosial şəbəkələrdə viral yayılıb. Bir çox istifadəçi videodakı şəxsin Jeffrey Epsteinə olduqca bənzədiyini qeyd etsə də, bunun sadəcə zahiri oxşarlıq olduğu və videoda görünən şəxsin Epstein olması ilə bağlı hər hansı sübutun mövcud olmadığı vurğulanır.

Qeyd edək ki, Jeffrey Epstein 2019-cu ildə ABŞ-da federal həbsxanada ölü tapılıb. Rəsmi məlumata görə, onun ölümü intihar kimi qeydə alınıb. Bununla belə, ölümü ilə bağlı müxtəlif sui-qəsd nəzəriyyələri uzun müddətdir ictimai müzakirə mövzusu olaraq qalır. Videoda görünən şəxsin Epstein olması ilə bağlı isə heç bir rəsmi təsdiq və ya fakt yoxdur.

Telegramda izləyin